Angina

Kelib chiqish sabablari
Kasallik belgilari
Diagnostika
Anginani davolash
Xavfli jihatlari
Profilaktika
Shifokor qabuliga yozilish

Angina (o'tkir tonzillit) — bemorning tanglay bodomsimon bezlari (bodom bezlari) va limfa tugunlari yallig’lanishi ko’rinishidagi infektsion kasallikdir.

Anginani davolovchi barcha shifokorlarni ko'rish

Angina – (o'tkir tonzillit) — bemorning tanglay bodomsimon bezlari (bodom bezlari) va limfa tugunlari yallig’lanishi ko’rinishidagi infektsion kasallikdir.

Angina bir necha xil bo'ladi::

kataral angina (faqat bodomsimon bezlarning yuzaki qatlamlari zararlanadi);
follikulyar angina (bodomsimon bezlar shishadi va qizarib ketadi, ularning yuzasida ko’plab dumaloq, biroz ko’tarilib turgan sarg’ish yoki sarg’ish-oq nuqtalar paydo bo`ladi);
lakunar angina (follikulyar anginaning og'irroq shakli);
flegmonoz angina (juda kam uchraydigan turi, faqat bitta bodomsimon bezning yallig`lanishi bilan tavsiflanadi);
yara-pardali angina (bodomsimon bezlarning birida kulrang karash hosil bo'ladi).

Kelib chiqish sabablari

"Tonzillit" kasalligi bodomsimon bezlarning zararlanishi natijasida yuzaga kelishi mumkin, agar:

virus havo orqali yuqqanda;
streptokokklar bilan kasallangan oziq-ovqatlarni iste'mol qilganda;
tananing og'ir gipotermiyasida (sovqotishi);
immunitet pasayganda, bodomsimon bezlarda yashaydigan bakteriyalar juda tez ko'paya boshlaganda.

Kasallik belgilari

Tonzillitga xos bo'lgan belgilar:

bodomsimon bezlar kattalashishi;
bodomsimon bezlarda karash hosil bo'lishi;
doimiy va ortib boradigantomoq og'rig'i;
limfa tugunlari kattalashishi;
tanadagi umumiy holsizlik;
bo`g`imlardagi og`riq.

Bolalarda tonzillit quloq og'rig'i va va so`lakning ko'payishi bilan namoyon bo'lishi mumkin.

Agar sizda ham shunga o`xshash belgilar borligini aniqlasangiz, darhol shifokorga murojaat qiling. Kasallikning oqibatlarini bartaraf etishdan ko`ra oldini olish osonroq.

Diagnostika

Anginaning turini aniqlash va mos davolash usulini tanlash uchun lor-shifokor bemorni tekshiradi va limfa tugunlarini ushlab ko`radi.

Anginani davolash

Tonzillit quyidagi usullar bilan davolanadi:

dori-darmonlar (antibiotiklar ham) qabul qilish;
tomoq va bodomsimon bezlarni maxsus eritmalar va o'simlik damlamasi, shuningdek, soda eritmasi bilan yuvish;
jag' ostidagi limfa tugunlari sohasida spirtli kompresslarni qo'llash.

Kerakli ma'lumot topmadingizmi?

Bizga Telegramda yozing, biz sizga shifokor topib, qabuliga yozib beramiz

Yozish

Xavfli jihatlari

Agar siz kasallikni ehtiyotkorlik bilan davolamasangiz va davolanishni kechiktirsangiz yoki uni umuman boshlamasangiz, bu quyidagi jiddiy asoratlarni keltirib chiqarishi mumkin:

surunkali tonzillit;
glomerulonefrit;
meningit (bu kasallikda miya va orqa miya membranalari yallig'lanadi);
revmatizm;
qon zaharlanishi.

Profilaktika

Kasallikning boshlanishini oldini olish uchun shifokorlar tavsiya qiladilar:

iliq suv bilan chayish (shuningdek, furatsilin yoki kaliy permanganat, rivanol eritmalari bilan chayish mumkin);
sovuq ichimliklardan foydalanishni nazorat qilish;
muzqaymoq va boshqa sovuq ovqatlar iste’mol qilinishini nazorat qilish;
gipotermiyadan (sovqotish) saqlanish uchun ob-havoga mos kiyinish;
sovuq ichimliklar va ovqatlardan keyin, shuningdek, sovuq mavsumda ko'chaga chiqishdan oldin bo'yin va limfa tugunlarini massaj qilish.

Ushbu maqola faqat tanishish maqsadida joylashtirilgan va ilmiy material yoki professional tibbiy maslahat emas.