Depressiya

Sabablari
Depressiya belgilari
Diagnostika
Depressiyani davolash
Parhez
Xavfli jihatlari
Xavf guruhi
Profilaktika
Shifokor qabuliga yozilish

Depressiya – bu ruhiyatning jiddiy buzilishi bilan tavsiflangan jiddiy kasallik.

Depressiyani davolovchi barchalarni ko'rish

Depressiya – bu ruhiyatning jiddiy buzilishi bilan tavsiflangan jiddiy kasallik.

Hozirda shifokorlar depressiv buzilishning uchta asosiy turini ajratib ko'rsatishadi:

nevrotik depressiya - hayotda sodir bo'layotgan voqealarga hissiy munosabatdan kelib chiqadi;
endogen depressiya - organizm holatidagi muammolar, gormonal muvozanat bilan bog'liq;
bipolyar depressiya - ruhiy tushkunlikdan eyforiyagacha bo'lgan keskin o'zgarishlar bilan ifodalanadi.

Sabablari

Kasallik turli sabablarga ko'ra yuzaga kelishi mumkin, bular asosan ruhiy muammolar yoki tashqi ta'sirlar tufayli bo`lishi mumkin. Depressiya rivojlanishiga ta'sir qiluvchi omillar quyidagilardir:

miyadagi kimyoviy va biologik jarayonlarning buzilishi;
irsiyat;
ruhiyatga ta'sir etuvchi omillar (qarindoshlar va do'stlarning o'limi, zo'ravonlik);
stress (ishdan bo'shatilish, mojarolar, ajralish, pul bilan bog'liq muammolar, jiddiy kasalliklar va boshqalar);
uzoq muddatli surunkali kasalliklar;
ichkilikbozlik, giyohvandlik;
gormonal nomutanosiblik.

Depressiya belgilari

Depressiv buzilish quyidagi belgilar bilan tavsiflanadi:

kayfiyatsizlik, tushkunlik, apatiya;
faollik va ishlash qobiliyatining pasayishi;
doimiy charchoq;
hayotdan qoniqmaslik, unga qiziqishni yo'qotish, yashashni istamaslik;
tana harakatlari tormozlangan yoki aksincha, tartibsiz va notinch;
diqqatni jamlay olmaslik;
asossiz doimiy bezovta bo`lish;
o'zini past baholash, o'ziga ishonchni yo'qotish;
uyqusizlik yoki aksincha, doimiy uyqu;
ishtahaning yo'qolishi yoki ortiqcha ovqatlanish;
vaznning keskin kamayishi yoki uning ortishi;
jinsiy istakning yo'qligi

Agar sizda ham shunga o`xshash belgilar borligini aniqlasangiz, darhol shifokorga murojaat qiling. Kasallikning oqibatlarini bartaraf etishdan ko`ra oldini olish osonroq.

Diagnostika

Depressiv buzilishni tashxislash uchun psixoterapevt ko`rigidan o`tiladi, anamnez yig`iladi, bemor bilan suhbat o'tkaziladi va keyin maxsus test tizimidan foydalangan holda depressiyaning og'irlik darajasi aniqlanadi.

Shifokor tomonidan yana quyidagi tekshiruvlar belgilanishi mumkin:

qonning umumiy tahlili;
siydikning umumiy tahlili;
bakteriologik tahlillar;
elektrokardiogramma.

Shuningdek terapevt, ginekolog, oftalmolog va nevrologning maslahatlari ham talab qilinishi mumkin..

Depressiyani davolash

Depressiyani davolash quyidagilarni o'z ichiga oladi:

antidepressantlar qabul qilish;
trankvilizator dorilar qabul qilish (og'ir holatlarda);
psixoterapiya.

Kerakli ma'lumot topmadingizmi?

Bizga Telegramda yozing, biz sizga shifokor topib, qabuliga yozib beramiz

Yozish

Parhez

Depressiyaga qarshi kurashish uchun shifokor O'rta yer dengizi oshxonasiga asoslangan maxsus parhezni belgilaydi. Bunga dengiz baliqlari, sabzavot va mevalar, o'simlik yog'i kiradi.

Xavfli jihatlari

Agar o'z vaqtida depressiyadan xalos bo'lish yo'lini topilmasa, bemorning o'z joniga qasd qilishga harakat qilishi xavfi yuqori.

Xavf guruhi

Xavf guruhiga quyidagilar kiradi:

ruhiy kasalliklarga irsiy moyilligi bo'lgan bemorlar;
homilador ayollar, tug'ruqdan keyingi va menopauza davridagi ayollar;
o'smirlik va yoshlik davridagi bemorlar, shuningdek, o'rta yoshdagi bemorlar (35-40 yosh).