Tuxumdon kistasi

Kelib chiqsh sabablari
Belgilari
Diagnostika
Kasallikni davolash
Xavfli jihatlari
Xavf guruhi
Profilaktika
Shifokor qabuliga yozilish

Tuxumdon kistasi – tuxumdon tuzilmasida paydo bo’ladigan va uning hajmini bir necha barobar oshiradigan suyuq yoki yarim suyuq tarkibga ega bo’lgan pufak shaklidagi hosila. Ushbu hosila ko'pincha xavfsiz o`sma hisoblanadi, ammo o'z vaqtida va darhol davolanishni talab qiladi.

Tuxumdan kistasini davolovchi barcha shifokorlarni ko'rish

Tuxumdon kistalari bir necha turga bo'linadi. Turli xil tuxumdon kistalarining sabablari, belgilari va davolash usullari ham bir-biridan farq qiladi.

Kelib chiqish sabablari

Har xil turdagi kistalar turli kelib chiqish sabablariga ega:

Follikulyar kistalar. Cho'zilgan follikul qobig'idan hosil bo'ladi. Sabablari: tuxumdonlarning yallig'lanish kasalliklari, gormonal buzilishlar.
Funksional kistalar. Sabablari: tuxumdondan "chiqa olmagan" tuxum, ovulyatsiya bilan bog'liq boshqa muammolar. Ushbu hosilalar ko'pincha o'z-o'zidan so`rilib ketadi.
Anormal kistalar. So`rilib ketmaydigan, o`sib boradigan kistalar.

Patologiya tarkibiga ko'ra kistalar turlari:

Endometrioid kistalar. Sabablari: endometrioz - endometriy hujayralari bachadondan tuxumdonga tushadi;
Mutsinoz kistalar. Sabablari: odatda bachadon bo'ynini qoplaydigan to'qimalarning tuxumdonga tushishi; bunday kista ichida – shilimshiq modda bo`ladi;
Dermoid kistalar ichida soch, teri, tog`ay bo`lishi mumkin. Sabablari: homilaning rivojlanishidagi nuqsonlar, odatda o'smir qizlarda kuzatiladi;
Sariq tananing kistalari. Sabablari: ovulyatsiyaning buzilishi. Bunday kistaning ichida sariq rangli yarim suyuqlik mavjud.
Seroz kistalar. Seroz to'qimalar bilan qoplangan.

ЕKistalar irsiy moyillik tufayli ham paydo bo'lishi mumkin.

Belgilar

qorinning pastki qismida, ba'zan qinda tortishib yoki chimillab og`rish;
ovulyatsiyaning buzilishi;
bepushtlik;
qorin bo'shlig'ining kattalashishi (katta kistalarda);
kistaning buralishi yoki yiringlashida - o'tkir og'riq va varaja

Agar sizda ham shunga o'xshash alomatlar borligini aniqlasangiz, darhol shifokoringizga murojaat qiling . Kasallikning oqibatlarini bartaraf etishdan ko'ra oldini olish osonroq.

Diagnostika

Uzoq vaqt belgilarsiz davom etadigan o'ng tuxumdon kistasi vaqt o`tishi bilan kattalashishi mumkin, uning o'z-o'zidan yorilishi belgilari ko'pincha o'tkir appenditsit, gepatit, xoletsistitga o'xshaydi

Chap tuxumdon kistasida og'riq ko'pincha ichaklardagi sanchiqqa o'xshaydi. Ba'zida kistalar "o'sadi". Agar bunday kistalar buralib qolsa yoki yiringlagan bo'lsa, qorin bo`shlig`i a`zolarining o`tkir yallig`lanishi va peritonit belgilari paydo bo'ladi. Bunday holda, harakatlar ketma-ketligi quyidagichadir:

differensial diagnostikani amalga oshirish;
bachadondan tashqari homiladorlik, xavfli o`smalar kabi xavfli kasalliklarni istisno qilish;
ultratovush tekshiruvi va biopsiya.

Kasallikni davolash

Davolash asosan kistaning joylashishiga va uning hajmiga bog'liq. Kichkina hosilalar uchun gormonal kontratseptivlar, yallig'lanishga qarshi preparatlar buyuriladi, kattalari esa jarrohlik yo'li bilan davolanadi. O'ng va chap tuxumdon kistalari bir xil davolanadi. Tuxumdon kistasini qanday qilib to'g'ri davolash kerakligi faqat ginekolog tomonidan hal qilinadi.

Kerakli ma'lumot topmadingizmi?

Bizga Telegramda yozing, biz sizga shifokor topib, qabuliga yozib beramiz

Yozish

Xavfli jihatlari

Katta kistalar yorilishi mumkin, natijada o'tkir yallig'lanish paydo bo'ladi. Kista buralishi natijasida peritonit paydo bo'ladi. Bir vaqtda ikkala tuxumdonning kistasi ayniqsa xavflidir.