Hayz sikli buzilishi

Kelib chiqish sabablari

Hayz sikli bilan bog`liq muammolarning asosiy sabablari:

• asab tizimining buzilishi, stress;
• gormonal o'zgarishlar
• kichik tos sohasi ichki organlarining yuqumli kasalliklari;
• irsiy omil;
• iqlim o'zgarishlari;
• dori-darmonlarni qabul qilish;
• semizlik yoki haddan tashqari ozg'inlik;
• ichki organlar patologiyasi;
• tuxumdonlardagi xavfsiz/xavfli o`smalar;
• bachadondan tashqari homiladorlik;
• bolalikdagi tez-tez shamollashlar (12 yoshgacha)
• bolalik paytida qizilcha va suvchechak kabi kasalliklar bilan og`riganlik.

Kasallik belgilari

Hayz sikli buzilganda namoyon bo'ladigan belgilar quyidagilardir:

• hayz sikli muntazamligining buzilishi;
• qon miqdorining kamayishi;
• hayz sikli davomiyligining qisqartirish;
• hayz paytida doimiy kuchli og'riq.

Agar sizda ham shunga o`xshash belgilar borligini aniqlasangiz, darhol shifokorga murojaat qiling . Kasallikning oqibatlarini bartaraf etishdan ko`ra oldini olish osonroq.

Diagnostika

Sanab o`tilgan alomatlar kuzatilganda zudlik bilan ginekologga murojaat qilish lozim. Birlamchi tekshiruvdan tashqari, ginekolog kasallikning sababini aniqlash uchun to'liq tekshiruv o'tkazadi. Hayz sikli buzilishini tashxislash va davolash uchun quyidagi tekshiruvlardan o`tish lozim:

• kichik tos sohasi a'zolarining ultratovush tekshiruvi;
• qalqonsimon bez, buyrak usti bezlari ultratovush tekshiruvi;
• jinsiy yo'l bilan yuqadigan infeksiyalar mavjudligini tekshirish;
• ayoldagi gormonal o`zgarishlar darajasini baholash uchun qon tekshiruvi;
• bachadonning ichki qatlami (endometriy) holatini tekshirish.

Kasallikni davolash

Yuqorida sanab o`tilgan tekshiruvlardan tashqari, endokrinolog ko`rigidan o`tish ham kerak bo`lishi mumkin. Laboratoriya va instrumental tekshiruvlar natijalariga ko'ra ginekolog individual davolash dasturini ishlab chiqishi mumkin. Shundan so'ng, quyidagi davolash usullari tayinlanadi:

• infeksiyalar va yallig'lanish jarayonlari mavjud bo'lganda, dori-darmonlar va fizioterapiya usullari buyuriladi;
• gormonal buzilishlar uchun gormonlar darajasini normallashtiradigan preparatlar qo'llaniladi;
• hayz sikli buzilishining sababi o'sma jarayonlari bo'lsa, jarrohlik yo`li bilan davolash amalga oshiriladi;
• vitaminli komplekslar buyuriladi;
• ovqatlanish va uyqu rejimini tartibga solish tavsiya etiladi.

Kerakli ma'lumot topmadingizmi?

Bizga Telegramda yozing, biz sizga shifokor topib, qabuliga yozib beramiz

Yozish

Xavfli jihatlari

Nima uchun hayz siklining buzilishi xavfli? Bu xavfli ginekologik kasalliklarning rivojlanishining belgisi bo'lishi mumkin. Hatto sikldagi kichik buzilish ham jiddiy kasalliklar boshlanayotganini bildirishi mumkin, masalan:

• bachadon qo'shimchalarining yallig'lanishi;
• sistit;
• tuxumdonlar yoki bachadonda xavfsiz va xavfli o'smalarining paydo bo'lishi;
• bepushtlik.

Profilaktika

Profilaktik choralar umumiy tavsiyalarni o'z ichiga oladi:

• stress va kuchli asabiy taranglikdan saqlanish;
• ortiqcha jismoniy faollikni kamaytirish;
• ko'p miqdorda sabzavot va mevalar bilan sog'lom ovqatlanish;
• kasallikning birinchi belgilaridayoq shifokorga murojaat qilish;
• 6 oyda 1 marta ginekolog profilaktik tekshiruvidan o'tish.

Ushbu maqola faqat tanishish maqsadida joylashtirilgan va ilmiy material yoki professional tibbiy maslahat emas.

Hayz sikli buzilishini davolovchi shifokorlar