Shamollash

Kasallik sabablari
Kasallik belgilari
Diagnostika
Kasallikni davolash
Xavfli jihatlari
Profilaktika
Shifokor qabuliga yozilish

Shamollash – (O`RVI - o'tkir respiratorli virusli infeksiya yoki O’RK - o’tkir respirator kasallik) — havo tomchilari orqali yuqadigan o'tkir respirator virusli infektsiyadir (o'tkir respirator kasallik). Ko'pincha shamollashni gripp bilan adashtiriladi, ammo undan farqli o'laroq, O`RVI unchalik xavfli emas va inson salomatligiga juda ko'p zarar yetkazmaydi, gripp esa, agar to'g'ri davolanmasa, o'limga olib kelishi mumkin.

Shamollashni davolovchi barcha shifokorlarni ko'rish

Kasallik sabablari

Asosan, o'tkir respirator kasalliklarning sabablari quyidagilardan iborat:

Viruslar tanaga havo orqali kiradi, shuning uchun bemorning yonida bo'lish va u bilan aloqa qilish xavflidir;
tananing gipotermiyasi (sovqotish);
immunitetning pasayishi;
Agar ona kasal bo'lsa, chaqaloqlarga O`RVI (O`RK) emizish paytida yuqishi mumkin.

Kasallik belgilari

Kasallikning belgilari quyidagicha:

burun va tomoq bo`shlig`ida yoqimsiz tuyg'ular;
umumiy holatning yomonligi;
ishtahaning yo`qolishi;
ko'ngil aynishi;
o`qchish va qusish;
yo'tal;
aksirish;
bosh og'rig'i;
"tirnash"ga o`xshaydigan tomoq og'rig'i;
burun bitishi, burun oqishi;
tana haroratining biroz ko'tarilishi;
varaja;
mushaklar va bo'g'imlarda og'riq;
konyunktivit (ba'zan).

Agar sizda ham shunga o`xshash belgilar borligini aniqlasangiz, darhol shifokorga murojaat qiling. Kasallikning oqibatlarini bartaraf etishdan ko`ra oldini olish osonroq.

Diagnostika

O`RVI tashxisini qo'yish uchun umumiy amaliyot shifokori (bolalar uchun – pediatr ) ga murojaat qilinadi. Bundan tashqari, katta yoshdagilar va tajribasi bor kishilar kasallikni mustaqil ravishda aniqlashi mumkin. Buning uchun haroratni o'lchash kifoya, agar u yuqori bo'lmasa, bemor shamollagan bo`lishi kerak. Agar yo'tal uzoq vaqt davomida to'xtamasa va o'tkir bo'lsa, unda quyidagi tekshiruvlardan o'tish kerak:

qonning umumiy tahlili;
o'pka rentgenogrammasi ( pnevmoniyani istisno qilish uchun).

Kasallikni davolash

Kasallik quyidagi usullar bilan davolanadi:

Kasallik belgilari bilan kurashish (ko'p suv ichish, C vitamini yoki uni o'z ichiga olgan oziq-ovqatlarni iste'mol qilish);
Agar harorat 38 darajadan oshsa, isitma tushiradigan dori ichish lozim. Agar harorat past bo'lsa, uni tushirishning hojati yo'q, chunki shu tarzda tana kasallik bilan kurashadi.
Agar burun bitishi yoki oqishi kuzatilsa, qon tomirlarini toraytiruvchi tomchilar tomiziladi;
Virusga qarshi preparatlardan foydalanish.

Agar siz shifokor , ko`rigidan o`tmagan bo'lsangiz, u holda antibiotiklarni o'zingiz tanlashingiz va sotib olishingiz mumkin emas. Ular faqat organzimga bakterial infeksiya tushganda kerak bo'ladi.

Bolalarda O`RVIni davolash

Bola ko'proq suyuqlik ichishi kerak;
Burundagi shilliq moddani aspirator bilan olib tashlash;
Berodual bilan ingalyatsiyani amalga oshirish;
Dori-darmonlarni qabul qilish;
Bola yotgan xonani ko'proq vaqt davomida shamollatish.

O`RVIni tezroq davolash uchun bemor ko`proq yotoqda dam olishi, tashqariga chiqmasligi va ko'p suyuqlik ichishi kerak. Haddan tashqari faollik og`ir asoratlarga olib kelishi mumkin.

Kerakli ma'lumot topmadingizmi?

Bizga Telegramda yozing, biz sizga shifokor topib, qabuliga yozib beramiz

Yozish

Xavfli jihatlari

O`RVI gripp kabi xavfli emas (grippni davolash kechiktirlsa, o`limga olib kelishi mumkin). Ammo vaqtida davolanmagan shamollashning ham ba`zi asoratlari bor: