Vahima kasalligi

Sabablari
Vahima xurujining belgilari
Diagnostika
Vahima xurujini davolash
Xavfli jihatlari
Profilaktika
Shifokor qabuliga yozilish

Vahima kasalligi – kam o`rganilgan va davolash qiyin bo`lgan kasallik bo'lib, uning tabiati hozirgi kungacha to'liq tushunilmagan. Vahima kasalligi yana adrenalin inqirozi, vegetativ inqiroz, kardionevroz deb ham ataladi. Kasallik bir necha oy yoki yillar davomida saqlanishi va davriy xurujlar shaklida o'zini namoyon qilishi mumkin. Xurujar turli og`irlik darajasiga ega bo`ladi.

Vahima kasalligini davolovchi barchalarni ko'rish

Vahima xurujlarining uch turi mavjud:

o'z-o'zidan (tashqi ta`sirlarsiz, yuzaga kelishi uchun hech qanday sabab yo'q);
situatsion (travmatik hodisa tufayli yoki uning sodir bo'lishini kutish natijasida yuzaga kelgan);
shartli-situatsion (kimyoviy va biologik qo'zg'atuvchi tufayli).

Sabablari

Vahima xurujining sabablari:

organizm stressli vaziyatlarga shunday munosabatda bo'ladi;
somatik kasalliklar;
ruhiy kasalliklar;
depressiya.

Xuruj paytida xavotir hissi odamdan odamga intensivlikda farq qilishi mumkin. Ba'zilar uchun bu ozgina qo'rquv yoki yengil xavotir, boshqalar uchun esa noto'g'ri qarorlarga olib keladigan haqiqiy vahima, dahshat bo`lishi mumkin.

Vahima xurujining belgilari

Xurujar belgilari:

puls tezlashadi;
odam terlaydi, titraydi
ichki qaltiroq
nafas qisilishi, havo yetishmasligi
ko'krakning chap tomonida og'riq
noadekvat qarorlardan qo'rqish;
o‘limdan qo‘rqish;
oyoq-qo'llarda karaxtlik;
beixtiyor fikrlash;
hushdan ketishga yaqin holat

Agar sizda ham shunga o`xshash belgilar borligini aniqlasangiz, darhol shifokorga murojaat qiling. Kasallikning oqibatlarini bartaraf etishdan ko`ra oldini olish osonroq.

Diagnostika

Vegetativ inqirozni tashxislashda tajribali psixoterapevt ishtirok etishi lozim. Davolash muvaffaqiyati bevosita bemorning qanchalik tez shifokorga murojaat qilishiga bog'liq.

Vahima xurujini davolash

Vegetativ inqirozni davolash quyidagilarni o'z ichiga oladi:

har bir bemor uchun alohida ishlab chiqilgan psixoterapiya;
xavfsiz zamonaviy dori vositalarini qabul qilish;
bemorni xurujni qo'zg'atadigan vaziyatlardan himoyalash;

Vahima xurujlariga qarshi dorilar yarim yil davomida qabul qilinadi. Bunda maxsus parhez ishlab chiqiladi, spirtli ichimliklar va chekishdan voz kechish kerak bo`ladi. Ko'pgina hollarda dori-darmonlar yaxshi va tez natijalar beradi.

Kasallikni davolashda eng yaxshi natijaga dori-darmonlar va psixoterapevt bilan ishlashni birlashtirish orqali erishiladi. Psixoterapiya dori-darmonlarni qabul qilish muddatini qisqartirishi, shuningdek, bemor uchun ijobiy psixologik muhit yaratishi va kerakli yordamni berishi mumkin. Psixoterapevtning o'zi xurujlardan xalos bo'lishni tushuntirib beradi

Kerakli ma'lumot topmadingizmi?

Bizga Telegramda yozing, biz sizga shifokor topib, qabuliga yozib beramiz

Yozish

Xavfli jihatlari

Agar shifokorga o'z vaqtida murojaat qilinmasa, bemorda boshqa ruhiy kasalliklar, masalan, og'ir depressiya, doimiy xavotirlik va boshqa ko'plab kasalliklarni rivojlanish xavfi mavjud.

Profilaktika

Vahima xurujlarining oldini olish stressdan qochish, shuningdek, stressli vaziyatda his-tuyg'ularni nazorat qilish, xotirjamlikni saqlashni o'z ichiga oladi. Agar hissiy holat barqaror bo'lmasa, unda psixoterapevtga murojaat qilish lozim.

Ushbu maqola faqat tanishish maqsadida joylashtirilgan va ilmiy material yoki professional tibbiy maslahat emas.