Skolioz

Sabablari
Kasallikning belgilari
Diagnostika
Kasallikni davolash
Xafli jihatlari
Xavf ostidagilar
Profilaktika
Shifokor qabuliga yozilish

Skolioz – umurtqa pogʻonasining yon tomonga qiyshayishi.

Skoliozni davolovchi barcha shifokorlarni ko'rish

Skolioz – umurtqa pogʻonasining yon tomonga qiyshayishi.

bo`yin umurtqasining qiyshayishi;
ko`krak umurtqasining qiyshayishi;
bel umurtqasining qiyshayishi.

Kelib chiqish sabablari

Kasallikning paydo bo'lishining sabablari tug'ma yoki orttirilgan bo`lishi mumkin.

Tug`ma sabablar quyidagilardir:

umurtqa pog`onasining chala rivojlanganligi;
shakllangan g'ayritabiiy qo'shimcha umurtqalar;
homila rivojlanishi davrida endokrin tizimning buzilishi.

Orttirilgan sabablarga esa quyidagilar kiradi:

umurtqa pog'onasining shikastlanishlari;
bo`yin umurtqasida suyak chiqishi;
tananing uzoq vaqt davomida noqulay va notabiiy holatda bo`lishi;
mushak massasining assimetrik rivojlanishi;
noto`g`ri yoki zaiflashgan umumiy jismoniy rivojlanish.

Bolalarda ushbu kasallik ko`pincha tananing ayrim qismlarining notabiiy holati va haddan tashqari bosim tufayli yuzaga keladi.

Skolioz belgilari

Kasallikning belgilari odatda uning darajasi bilan belgilanadi:

I darajali skolioz - bemorning yelkalari, tos suyagi joylashuvining o`zgarishi, boshini pastga egilishi, bukchayish;
II darajali skolioz — umurtqa pog'onasining qiyshiq joylashuvi bemor tanasining har qanday holatida ko'rinadi, bo'yin konturlari va bel uchburchagi assimetrik holatda;
III darajali skolioz – qovurg`a bukrisi hosil bo`ladi, qovurg`alarning o`zi bo`rtib chiqadi, qorin mushaklari zaiflashadi;
IV darajali skolioz – torsiya (umurtqa pog'onasining vertikal burilishi), qiyshaygan joydagi mushaklar mushaklar cho'ziladi, umurtqa pogʻonasining sezilarli deformatsiyasi, koʻkrak qafasining oʻzgarishi va ichki aʼzolar ezilishi, siqilishi va ularning funksiyasining buzilishi kuzatiladi.

Agar sizda ham shunga o`xshash belgilar borligini aniqlasangiz, darhol shifokorga. murojaat qiling. Kasallikning oqibatlarini bartaraf etishdan ko`ra oldini olish osonroq.

Diagnostika

Davolash taktikasini aniqlash uchun ortoped-jarroh quyidagi tekshiruvlarni buyuradi:

umurtqa pog`onasining ultratovush tekshiruvi;
umurtqa pog'onasining rentgenologik tekshiruvi;
umurtqa pog'onasining magnit-rezonans tomografiyasi;
umurtqa pog'onasining kompyuter tomografiyasi;
umurtqalararo disklarning kontrastli diskografiyasi;
umurtqa pog`onasining elektrospondilografiyasi.

Skoliozni davolash

Skoliozni quyidagi usullar yordamida davolanadi:

manual terapiya (qo`l bilan davolash);
davolovchi jismoniy mashqlar;
maxsus korset kiyish;
ortopedik poyabzal kiyish;
jarrohlik (agar skolioz darajasi so`nggi bosqichda bo'lsa).

Kerakli ma'lumot topmadingizmi?

Bizga Telegramda yozing, biz sizga shifokor topib, qabuliga yozib beramiz

Yozish

Xavfli jihatlari

Agar kasallikni davolash uchun o'z vaqtida shifokorga murojaat etilmasa, turli xil asoratlar paydo bo'lishi mumkin, xususan:

bronxit, pnevmoniya;
yurak ishemiyasi;
yurak yetishmovchiligi;
o'pka yetishmovchiligi;
surunkali xolesistit, pankreatit;
orqa miya funksiyalarining buzilishi.

Xavf ostidagilar

Kasallikka chalinishi mumkin bo`lgan kishilarga quyidagilar kiradi:

mushak, markaziy asab tizimi kasalliklari bilan og'rigan odamlar;
nofaol turmush tarzini olib boradigan odamlar;
umurtqa pog'onasining tug'ma nuqsonlari bo'lgan odamlar;
oyoq kasalliklari bilan og'rigan, oyoqlari egri shaklga ega odamlar.

Profilaktika

Skolioz rivojlanishining oldini olish uchun shifokorlar quyidagilarni tavsiya qiladilar:

Qomatni har doim to`g`ri tutish va tananing to`g`ri holatda bo`lishini nazorat qilish.
Orqa, qorin mushaklari va lateral mushaklarni kuchaytirishga qaratilgan rivojlantiruvchi mashqlarini bajarish.
Taxminan har yarim soatda bir marta tana holatini o`zgartirib turish, bir holatda uzoq vaqt o`tirmaslik, kompyuter bilan ishlashda tanaffus qilish.

Ushbu maqola faqat tanishish maqsadida joylashtirilgan va ilmiy material yoki professional tibbiy maslahat emas.