Bronxial astma

Sabablari
Bronxial astma belgilari
Diagnostika
Bronxial astmani davolash
Xavfli jihatlari
Xavf guruhi
Profilaktika
Shifokor qabuliga yozilish

Bronxial astma – bu inson nafas olish tizimining surunkali yallig'lanishi. Kasallik bolalik davrida (o'n yoshgacha) rivojlanishi mumkin, lekin to`g`ri davolash usullari qo`llanilganda butunlay sog`ayib ketish mumkin.

Bronxial astmani davolovchi barchalarni ko'rish

Astma to'rt bosqichda sodir bo'ladi:

intermittiv, ya`ni davriy (kasallikning kuchayishi va astmatik xurujlar oyiga bir yoki ikki marta sodir bo'lishi mumkin);
yengil darajadagi persistiv (kasallikning kuchayishi va astmatik xurujlar har hafta sodir bo'ladi);
o`rta darajadagi persistiv (kasallikning kuchayishi har kuni, xurujlar esa kechasi bir necha marta sodir bo`ladi);
og`ir darajadagi persistiv (kasallik kun davomida kuchayadi, kechasi doimiy ravishda xuruj bo`lib turadi).

Sabablari

Kasallik bronxlar yallig'lanish, shish yoki balg'am quyqalari tufayli torayib ketganda paydo bo'ladi.

Astma turli sabablarga ko'ra paydo bo'lishi mumkin:

irsiy moyillik;
allergiya (chang va gulchanglar, hayvon junlari, oziq-ovqat va kimyoviy moddalarga nisbatan);
noqulay muhit (tamaki tutuni, bezovta qiluvchi gazlar);
bakterial va virusli turdagi infeksiyalar (bronxit, gripp);
dori vositalari (yallig'lanishga qarshi, harorat tushiruvchi, og'riq qoldiruvchi vositalar);
stress, qo'rquv, boshqa hissiy kechinmalar;
me`yordan ortiq jismoniy faollik.

Bronxial astma belgilari

Ushbu kasallik uchun xos belgilar:

yo'tal xurujlari (kechasi);
nafas olish muammolari, nafas qisilishi;
balg'am ajralishi;
xirillab nafas olish;
ko'krak qafasidagi og'irlik hissi.

Agar sizda ham shunga o`xshash belgilar borligini aniqlasangiz, darhol shifokorga murojaat qiling. Kasallikning oqibatlarini bartaraf etishdan ko`ra oldini olish osonroq.

Diagnostika

Astmani tashxislash va davolash uchun pulmonolog quyidagi tahlillar va tekshiruvlarni buyuradi:

dastlabki umumiy ko`rik;
spirometriya;
pikfloumetriya;
allergenni aniqlash uchun tahlil;
jismoniy faollik bilan testlar.

Bronxial astmani davolash

Bronxial astmani davolash quyidagilarni o'z ichiga oladi:

kortikosteroid preparatlar;
ingalyatsiya;
bronxospazmolitik dorilar;
mukolitik preparatlar;
nafas olish uchun mashqlar;
immunitet tizimini mustahkamlash uchun terapiya.

Kerakli ma'lumot topmadingizmi?

Bizga Telegramda yozing, biz sizga shifokor topib, qabuliga yozib beramiz

Yozish

Xavfli jihatlari

Tez-tez astma xurujlari quyidagilarga sabab bo'lishi mumkin:

pnevmotoraks (plevra bo'shlig'ida havo to'planishi);
o'pkaning emfizematoz buzilishlari;
o'tkir turdagi nafas yetishmovchiligi.

Xavf guruhi

Xavf guruhiga quyidagilar kiradi::

tez-tez O`RVI, bronxit va pnevmoniya bilan og'riydigan bemorlar;
adenoid va poliplari olib tashlangan bemorlar;
allergiyaga moyil kishilar;
eshakemi, neyrodermit . bilan og'rigan bemorlar.

Profilaktika

Bronxial astma rivojlanishining oldini olish uchun shifokorlarning tavsiyalari:

kamharakat turmush tarzini olib bormang, ko'proq vaqtingizni uydan tashqarida, toza havoda o'tkazing;
allergiya keltirib chiqaradigan oziq-ovqatlarni iste'mol qilmang;
davolovchi mashqlar darslarida qatnashing;
atrof muhitni zaharlaydigan qo`zg`atuvchilardan saqlaning (masalan, tamaki tutuni).

Ushbu maqola faqat tanishish maqsadida joylashtirilgan va ilmiy material yoki professional tibbiy maslahat emas.